"Чувашия татарлары милли мәдәни автономиясе" советы утырышы үтте.

"Чувашия татарлары милли мәдәни автономиясе" советы утырышы үтте. Очрашу Коръән уку белән башланды. Фәрит Абдулла улы Гыйбатдиновка дога укылды, быел аңа 62 яшь булыр иде. Быел бу дөньядан киткән якташларыбыз Чумаров Айнурга һәм Рахимзянов Ринатка дога кылынды. Совет утырышында түбәндәге сораулар каралды: "Гибатдинов укулары" фәнни-практик конференция үткәрү. Практик өлешне онлайн форматта алып бару. Чараны Чувашия Республикасының Дуслык йортында үткәрү. Шулай ук ​​"Кара Пулат" мәчетендә Курбан меҗлес үткәрү. Агымдагы ел өчен "Фәрит Гыйбатдинов" премиясен тапшыру. Шулай ук ​​татар теле һәм әдәбияты укытучылары, татар мәктәпләрендә башлангыч сыйныф укытучылары, мәктәпкәчә учреждениеләрдә тәрбиячеләр өчен премия булдырылды. Бүләк ел саен татар теле һәм әдәбияты укытучылары форумында биреләчәк. 2021 азагында һәм 2022 ел башында спорт чараларын үткәрү тәртибе: Фәрит Абдулла улы Гыйбатдинов истәлегенә хоккей турниры; Әфган сугышы ветераны Ришат Минегали улы Гыйбатдинов истәлегенә волейбол турниры; Рахимзянов Ринат Фидаил улы истәлегенә мини-футбол турниры. Чумаров Айнур Фидаел улы истәлегенә армреслинг турниры; "Идел Болгарында Ислам динен кабул итүнең 1100 еллыгы"на Урмай һәм Чабаксар шәһәрендә чаралар үткәрү; Чабаксар шәһәрендә Республика Сабан туен үткәрү.